Kur titulli te rreshqet nga duart(VIDEO)

Ka 2 arsye perse Juventusi do ta humbe vendin e pare:

1-Lecce eshte macja e zeze e Seria A,kujtojm se me pare i prishi pune dhe Romes
2-Nje gafe te tille si Buffon e beri dhe Van Der Sar ne kohen kur Chelsea u shpall kampion

Tifozët e Interit: “Ta humbim derbin!”

“Zeru tituli” kështu e komentojnë tifozët e Interit (mos)suksesin e skuadrës së tyre të zemrës gjatë këtij edicioni dhe padyshim se janë shumë të revoltuar me projektin e bërë nga bosi Massimo Moratti, i cili gjatë këtij edicioni i angazhoi tre trajner të ndryshëm. Pozita e tretë duket mision i pamundur për Interin sepse aty është Napoli që i ka dy ndeshje shumë të lehta në të cilat pret fitore të sigurta, ndërsa plasmani në Europa League është siguruar. Dhe, çudia më e madhe është se tifozët e Interit kanë kërkuar nga Moratti dhe lojtarët që ta humbin ndeshjen derbi me Milanon, sepse nga dy kundërshtar të “këqinjë” po e zgjedhin më të mirin, ata që i quajnë “kusherinjë”. Pavarësisht këtij fakti, fati është duart e Juventusit që luan kundër skuadrës së rrezikuar Cagliari, andaj fitoi apo jo Milano djelmoshat e Allegrit duhet të presin në gabimin e “biankonerëve” e më pas të shënojnë fitore në derbi kështu që Inter mund t’ia bëjë këtë të mirë nëse i dëgjojnë tifozët e tyre. Urrejtja e Interit dhe Juventusit e arriti kulminacionin nga viti 2006, nga koha e (calciopoli).

David Alaba i preferuari i Barcelonës

Prezantimi i tij i shkëlqyeshëm në ndeshjen gjyëmsfinale kundër Real Madridit, ka bërë që David Alaba, të jetë lojtarë shumë i preferuar i blaugranëve për Barcelonën e re të edicionit 2012-2013. Reprezentuesi austriak 19 vjeçari Alaba, shihet përforcim idel për Tito Vilanovan i cili ka kërkuar nga zyrtarët e klubit të bisedojnë me Bayernin, nëse klubi gjerman është i gatshëm ta shet. Alaba nuk do të jetë pjesë e finales së madhe në Allianz Arena ku skuadra e tij Bayern luan kundër Chelseat, sepse ishte ndëshkuar me karton të verdhë në ndeshjen e dytë gjysmëfinale kundër Real Madridit.

Goli me i bukur i Premier Liges(VIDEO)

Goli i mahnitshëm i sulmuesit të Manchester Unitedit, Wayne Rooney, kundër rivalit të qytetit City, nga shkurti 2011 është votuar si më i miri në historinë 20 vjeçare të Premierligës. Rooney është i lumtur që fitoi në garë me shënime të tjera, të cilat i kishte shikuar si fëmijë në televizion.  

Goli i jashtëzakonshëm i Wayne Rooneyt, me gërshërë në derbin e Manchesterit në shkurt 2011, është votuar si goli më i bukur i 20 sezoneve të Premierligës. Rooney realizoi në mënyrë akrobatike pas harkimit nga Nani në minutën e 77-të të ndeshjes, duke dërguar Unitedin tetë pikë para Cityt në ligë në rrugë drejt titullit rekord të 19-të në Angli dhe ky çmim është i pari që ndahet për nder të 20 sezoneve të Premierligës.

Qindra mijëra tifozë nga mbarë bota votuan në sondazh, kurse goli i Rooneyt mori 26 % të votave të përgjithshme. Shënimi i Dennis Bergkampit për Arsenalin kundër Newcastle Unitedin në mars 2002 ishte i dyti me 19 %, kurse Thierry Henry me golin e tij me volej për Arsenalin kundër Manchester Unitedit më 2000 doli i treti me 15 %.

“Jam rritur duke shikuar Premierligën, andaj të jem fitues i kategorisë për golin më të bukur në histori të Premierligës është ndjenjë e veçantë. Ishin shumë gola të bukur në listë, gola që i kam shikuar si fëmijë: golat nga Alan Shearer, Paolo di Canio, Tony Yeboah, David Beckham. Të garoj me ta dhe të fitoj është nder i madh për mua dhe diçka që më bën të ndihem krenar. Dua t’u falënderohem të gjithë tifozëve që votuan për mua”, deklaroi Rooney.

Mbi 4.2 milionë vota përcaktuan golin më të bukur, pritjen, festën më të mirë pas një goli dhe ekipin e ëndrrave. Po ashtu gjashtë kategori tjera u vendosën nga një panel – futbollisti më i mirë, menaxheri, ekipi, sezoni, citati i paharrueshëm dhe ekipi i ëndrrave. Fituesit e këtyre kategorive do të shpallen pas dy jave në një ngjarje më 15 maj, ku do të zbulohet edhe futbollisti dhe menaxheri më i mirë i 20 sezoneve të Premierligës.

Sezoni i 20-të i Premierligës ka sjellë disa gola të jashtëzakonshëm sikurse ai i të mërkurës mbrëma nga sulmuesi i Newcastle Unitedit në duelin kundër Chelseas, pa dyshim më i bukuri i këtij viti, e që u realizua vetëm disa ditë para golit nga distanca e largët nga sulmuesi i Liverpoolit, Luis Suarez kundër Norwichit. Ju lutem klikoni tek reklama

Mourinho: Trofeu më i vështirë në karrierë

Titulli numër 32 për Realin e Madridit ka korresponduar edhe me kampionatin e shtatë në karrierë për trajnerin Hoze' Mourinho. 

Por përkundër sukseseve të mëdha në karrierë, tekniku luzitan ka thënë se ky ishte më i vështiri që ai ka fituar ndonjëherë, edhe më i komplikuar se ai që fitoi në javën e fundit me Interin ndaj Sienës në serinë A.

Meritat e Realit shtohen edhe më shumë kur llogaritet se në vendin e dytë është lënë një skuadër si Barcelona, e aftë të fitojë me meritë, statusin e ekipit legjendar. "Ishte liga më e vështirë për mua. Më e vështirë se ajo që mora ndaj Sienës në javën e fundit. Kam festuar vetëm 5 minuta titullin pasi nuk më duket ndonjë risi e madhe, pas 7 titujve tashmë" tha Mourinho.

Në konferencën për shtyp ai dërgoi zëvendësin karanka, por rezervoi disa fjalë edhe për një televizion portugez një ditë pas titullit. Reali ka marrë 83% fitore në kampionatin spanjoll këtë vit, duke humbur vetëm ndaj Levantes dhe Barcelonës.

Futbollisti i rrahur nën shok, trajneri shfajësohet(IDEO)

Adem Llajic, futbollisti i Fiorentinës i vendosur në qendër të opinionit sportiv botëror si viktimë e një agresioni nga trajneri i tij në fushën e lojës, deklaroi në shtypin Italian se ndihet ende i shokuar për atë që ndodhi. 




Sulmuesi serb ironizoi trajnerin Delio Rossi në zëvendësimin e tij gjatë lojës, duke provokuar reagimin e ashpër të teknikut që e goditi brutalisht me grushta në stolin e rezervave.


Në një reagim për “La Gazzetta dello Sport”, 22-vjeçari i kërkoi ndjesë shokëve të skuadrës për gjestin e tij, por deklaroi se asgjë nuk e mund ta justifikonte atë akt të tashmë ish-trajnerit, të shkarkuar menjëherë pas ndeshjes.


”I kërkoj falje shokëve të mi, pasi nuk duhet të bëja atë gjest në daljen nga fusha dhe ky ishte një gabim i madh. Jam duke përjetuar një moment të vështirë dhe për këtë i kam kërkuar edhe prindërve të mi të vijnë nga Serbia për të më qëndruar pranë. Pa dyshim, isha unë i pari që gabova në raport me Rossin, por një reagim i tillë prej tij ishte i pakuptimtë, jam i shokuar”.


Ndërsa trajneri humbi vendin e tij të punës, futbollisti u përjashtua nga radhët e skuadrës për një afat të pacaktuar. “E di që e kam merituar këtë përjashtim, ndonëse do të më kishte pëlqyer që të ndihmoja Fiorentinën në fundin e kampionatit. Shpresoj që ta kem këtë mundësi në të ardhmen”. 


Shfajësohet Rossi: Më preku një pikë të dobët


Në një konferencë për shtyp pak pas deklaratave të Llajic, ish-trajneri i Fiorentinës, Delio Rossi, u përpoq të shpjegonte edhe ai veprimin e tij, por pa kërkuar ndjesë publike.


Sipas mediave italiane, zënka u shkaktua pasi serbi i tha trajnerit të tij, “je më i paaftë se djali jot”. Rossi, fatkeqësisht, ka një djalë me aftësi të kufizuara mendore.


”Për mua është e vështirë të jem këtu në këtë sallë të konferencave për shtyp, por është e rëndësishme të shpjegoj situatën, e cila shkaktoi edhe largimin tim nga skuadra. Kjo ka qenë një aventurë në të cilën kam besuar dhe kam besuar akoma, prandaj falenderoj familjen Della Valle dhe Fiorentinën për mundësinë që më dhanë”, tha Rossi.


Duke u ndalur tek ngjarja konkrete, trajneri shtoi: “Më vjen keq vetëm për ata pseudomoralistë që më kanë sulmuar pa e ditur historinë time, pa e ditur për atë që flisnin, për një trajner që ka nisur të stërvisë fëmijët e Foxhias për t’i larguar nga rruga e keqe, për një trajner që stërviste skuadra amatore e fitonte titullin në C, mes shumë sakrificave, me shumë djersë e mund. Unë gjithmonë kam punua për të mirën e klubeve të mia, por çdo njeri ka pika të dobëta dhe me fjalët e tij, Llajic preku njërën prej tyre”.


Pa kërkuar falje, gjithsesi trajneri e pranoi gabimin e tij. “Në disa pika jam i vendosur dhe nuk lëviz. Kërkoj respekt për mua, punën time dhe familjen time. Pastaj, për të tjerat nuk kam thënë kurrë që jam Papa Pio, por kurrë më parë nuk kam ngritur dorën ndaj fëmijëve që kam stërvitur dhe as ndaj fëmijëve të mi. Megjithatë, këtë herë bëra një gabim dhe do të paguaj kostot”.


Shikojeni videon cka ndodhi:



Ju lutem klikoni tek reklama me posht

“Mourinho do shkatërronte Neymarin”

Presidenti i Santosit, Luis Alvaro de Oliveira Ribeiro është i bindur se trajneri i Real Madridit, Jose Mourinho, do të kishte efekt negativ në karrierën e super talentit, Neymar. “Vetëm paramendoni Neymar duke u drejtuar nga Mourinho, i cili është sinonim i disiplinës. Kjo do të shkatërronte një prej talentëve më të mirë në botë”.  “Vetëm të mendoj për këtë më tmerron. Unë vërtet nuk e di se çfarë do të thoshte për Neymarin që të drejtohej nga Mourinho, i cili kërkon disiplinë maksimale”, ka thënë Ribeiro.

Galliani: Golin e Muntarit e kam në telefon

Adriano Galliani ka deklaruar se ai e ka golin e Muntarit (të realizuar ndaj Juventusit) në telefonin e tij.  ”Ne do të flasim shumë qetë për golin e Muntarit deri në fund të këtij sezoni”  ”Unë i kam golat e Muntarit dhe Robinhos në telefonin tim.Unë i shoh këto si foto shumë private dhe nuk mund t’i shfaq në TV”,tha zëvendës presidenti i klubit Rosoner