27 prill 2012

Kosova: Shqipëria na grabiti 50 yje

Trajneri i Kombëtares shqiptare, Xhani de Biazi, ka shënjestruar edhe katër futbollistë kosovarë që luajnë në Evropë për t′i marrë në ekipin "A". Madje, për njërin prej tyre, portierin Etrit Berisha, Federata Shqiptare e Futbollit (FSHF) ka paraqitur kërkesë të martën për pajisje me pasaportë shqiptare me procedurë të përshpejtuar.


Dhe, nga data 9 deri më 12 prill, FSHF-ja do të organizojë kamp në Kosovë me grup-moshat U19 dhe U17 për zbulimin e talenteve të rinj që mund t′u shërbenin ekipeve të reja të Shqipërisë. Gjithë këto, nga zyrtarë të Federatës së Futbollit të Kosovës shihen si përzierje e FSHF-së në "punët e brendshme" të saj, madje nga disa edhe si "grabitje" të talenteve, ndonëse nuk e thonë troç për shkak të marrëdhënieve që kanë këto dy shoqata.


Që nga aktivizimi i kosovarit të parë me Kombëtaren shqiptare, Arian Beqaj, në vitin 1998, deri më tash janë aktivizuar të paktën 33 lojtarë kosovarë në të gjitha grup-moshat dhe në të dy konkurrencat, ndërkohë që në periudhën e afërt pritet të ftohen apo janë ftuar edhe 13 të tjerë.





I pari që pritet të ftohet nga grupi i fundit është portieri i Përfaqësueses së Kosovës, Etrit Berisha. Pas lëndimit të portierit tjetër kosovar që luan me Shqipërinë, Samir Ujkani, zyrtarët e FSHF-së të martën kanë nxituar ta pajisin me pasaportë shqiptare Berishën për të qenë i gatshëm për ndeshjet e qershorit.
 

Flickr Photostream

Twitter Updates

Meet The Author